Af stórþorskum

Enn koma Þjóðverjarnir að landi með stórþorska. Í gær veiddi 66 ára Þjóðverji sinn stærsta fisk á ævi sinni en það var 22 kg þorskur (135 sm að lengd) hér fyrir utan Súgandafjörðinn. Það gekk mikið á við að ná tröllinu inn og það endaði með því að veiðihjólið gaf sig og brotnaði. Þeir náðu þó að handdraga gaurinn upp og þegar félagar hans ætluðu að gogga hann inn fyrir, þá brotnaði goggurinn líka. En sá gamli var hamingjusamur með veiðina enda um að ræða stærsta fisk sem hann hefur veitt á sinni lífsleið. Það var farið með bjórkassa í húsið þeirra í gærkveldi því skála átti fyrir þorskinum og veiðimanninum gamla. Myndin er tekin í morgun þegar við vorum að landa úr bátnum en þeir öfluðu 300 kg af þorski eftir daginn.

Eins eru þeir að veiða stóra steinbíta sem línubátarnir eru ekki að fá um þessar mundir. Steinbítarnir eru frá 6-10 kg þeir stærstu. Í fyrra veiddust ekki svona stórir steinbítar að sögn þeirra sem þekkja vel til. Það var margmenni á höfninni í morgun að fylgjast með lönduninni og svo kom sá gamli og tók stórþorskinn í fangið og ég tók mynd af kappanum. Meira síðar.

Kveðja að vestan

Robbi þorskur

Athugasemdir

[Anna Bja (IP-tala skráð) 12.5.2008 kl. 20:29]

Kvitt, kvitt, gaman hjá þér í nýju vinnunni þinni.

Hafið það sem best í firðinum fagra, Súgandafirði.

Kveðja af Skaganum 

[Þórarinn Þ Gíslason (IP-tala skráð) 13.5.2008 kl. 03:28]

Sæll Róbert.

Sögðu ekki fiskifræðingar að þessi kynslóð af þorskum væri ekki til og sem meira var að það væri þrautreynt og um leið sannað að þeir væru útdauðir.(á land komnir).

[Sigrún Jónsdóttir, 13.5.2008 kl. 13:11]

Kveðja vestur

[Sigurjón Þórðarson, 17.5.2008 kl. 11:32]

Þetta er greinilega meirháttar sprell.