Róbert Schmidt

9.4.2008 | 19:03

Marineraður svartfugl með grilluðum ananas

Þar sem ég veiddi ágætlega með félögum mínum sl sunnudag af svartfugli ákvað ég að setja

nokkrar bringur í marineringu (BBQ) í sólahring. Í kvöld kveikti ég á útigrillinu og skellti bringunum á grillið ásamt nokkrum sneiðum af ananas. Pönnusteikti forsoðnar kartöflur og smjörsteikti ferska sveppi sem meðlæti. Bjó til sveppasósu og setti smá rifsberjasultu á diskinn því svona villibráð er best með einhverju sætu. Rétturinn smakkaðist mjög vel og rúmlega það. Þar sem ég eldaði dálítið mikið ákvað ég að rölta hér upp stigann og færa henni Önnu gömlu (sem er nágranni minn og missti manninn sinn í fyrra) og bauð henni fullan disk af svartfugli og meðlæti sem hún þáði með þökkum og ég fékk koss á kinnina fyrir. Alltaf gaman að deila með öðrum ef hægt er.

Svartfugl er íslenskur matur...ekki gleyma því.

Flokkur: Bloggar | Facebook

Athugasemdir

Væri ekki tilvalið að hafa vídeó sýningu næsta stjórnarfundar, heima hjá þér með smá svartfuglsívafi? Maður fær bara vatn í munninn

Sigrún Jónsdóttir, 9.4.2008 kl. 22:53

Þetta er nú svakalegt að birta myndir af svona dýrindis mat, langar svo í svona mat. Já maður fær vatn í munninn

Hvenær verður manni boðið í mat?????

Kv. af Skaganum

Anna Bja (IP-tala skráð) 10.4.2008 kl. 20:32

Verður þessi matseðill í boði fyrir skemmtinefndina þegar þú kemur vestur ha?

Halldóra Hannesdóttir, 11.4.2008 kl. 22:22

Sælar dömur og takk fyrir hrósið!
Frystikistan mín er öllum stundum yfirfull af villibráð enda eignast maður oft marga vini einmitt þegar maður kemur úr aflasælum veiðiferðum Það er aldrei að vita nema ég brasi eitthvað á fermingarafmælinu ofaní ykkur ef þið treystið eldamennskunni minni?

En þið getið auðveldlega fengið hjá mér nokkrar svartfuglsbringur til að spreyta ykkur á uppskriftinni ef óskin er sú? Lítið mál að elda góðan mat úr svona góðu hráefni.

Kveðja

Róbert