Rjúpnaveiðar í nóvember

Það var eins og ég bjóst við, ákveðið hefur verið að leyfa rjúpnaveiðar í haust með sama sniði og í fyrra enda hafa talningar sýnt fram á aukningu stofnsins. Það hlakkar mikið til í mér að komast til fjalla á rjúpnaveiðar í nóvember. Arnór sonur minn fær þá að arka með og þá er að sjá hvort þolið og útsjónarsemin búi í honum. Ég hef nú sterkan grun um að svo sé enda hefur hann gott útsýni úr tæplega tveimur metrum  

Þótt gæsaveiðar séu skemmtilegar, þá eru rjúpnaveiðar allt öðruvísi. Miklu meiri hreyfing, mikil líkamleg áreynsla og svo að geta verið hátt upp til fjalla að vetrarlagi einn með sjálfum sér í leit að jólamatnum.

Ps. myndina tók ég um sl helgi í Skagafirði þegar ég var að koma heim af gæsaveiðum. Þá blasti við mér rjúpnahópur við kofann sem ég gisti í við Bakkaflöt. Greinilega orðnar nokkuð hvítar að sjá.

Róbert