Mikil matarhelgi að baki

Helgin hófst með jólahlaðborði á Hótel Selfossi sl föstudag sem var mjög gott og í góðum vinahópi. Fór með vinnunni hennar Sæju (Bókhald og skattskil). Skrapp á undan í Veiðisafnið til Palla Reynis með Sigga Björns en Palli hefur stækkað safnið um helming. Á laugardeginum fór ég svo á Madagascar 2 með Róberti og þremur öðrum börnum og ég skemmti mér líklega betur en börnin á þeirri mynd. Mæli með henni. Pizzu-veisla um kvöldið og síðan kom Viðar vinur minn frá Bíldudal í heimsókn og dró mig aðeins út á lífið. Sunnudagurinn byrjaði með barnaafmæli hjá frænku minni, Ólafíu Rún sem varð 9 ára. Ólafía er dóttir hennar Jónu systur. Mamma og Andrés mættu, Andrés bróðir, Reynir bróðir, ég og Sæja og Róbert jr, Sólrún Petra, Gunnar frændi, Anna Maggý ofl. Um kvöldið var svo matarboð heima en þá komu Arnór, Berglind og Gunna Dóra í grill en ég lét mig hafa það að húrast úti á svölum í snjókomu og kulda með grillið í gangi og grillaði kjúklingastrimla, svínakjöt og lambakjöt. Róbert jr og Þórunn Hanna voru líka við borðið ásamt húsfreyjunni.

Annars hef ég verið rólegur í blogginu síðustu viku en það gerist sjaldan hjá mér. Læt þetta duga að sinni. Ég setti inn nokkrar myndir frá afmælisboðinu hennar Ólafíu inní Fjölskyldumöppuna á síðunni.

Róbert

Athugasemdir

[Lísa Margrét Kristjánsdóttir (IP-tala skráð) 8.12.2008 kl. 23:35]

Það hefur verið nóg að gera og skemmtilegt. Ég hlakka svo til um næstu helgi þá ætla að ég eyða allri helginni með fjölskyldunni í staðinn fyrir að læra á Þjóðarbókhlöðunni, er komin með upp í kok af því