No Country For Old Men

Skellti mér á bíó  í gærkveldi á myndina No Country For Old Men. Söguþráðurinn er um fíkniefnaviðskipti sem fóru útum þúfur í óbyggðum V-Texas. Veiðimaður og fyrrum Víetnam-hermaður  (Josh Brolin) verður var við nokkra pick-up jeppa útí óbyggðum þar sem hann er á dýraveiðum. Svæðið er blóðvöllur. Mannslík og skotvopn liggja eins og hráviði um allt. Skömmu síðar finnur hann tösku fulla af peningum. Hann sér fyrir sér nýtt líf með unnustu sinni og felur töskuna. Ekki líður á löngu að hann er eltur af morðingja og geðsjúklingi ( Javier Bordem) sem á sér aðeins eitt markmið, að drepa þá sem verða á vegi hans. Aðferðir hans eru yfirvegaðar, úthugsaðar og mjög sérstakar. Lögreglumennirnir tveir sem rannsaka málin eiga í miklum erfiðleikum með að ráða í gáturnar og lögreglustjórinn (Tommy Lee Jones) fer sínar eigin leiðir sem eru margt fyrirsjáanlegar. Atriði í myndinni er tengjast ofbeldi eru skelfilega eðlileg og spennan er mikil. Þarna deila tveir gáfaðir menn um peninga út myndina og það er ekkert útséð með endirinn. Fyrir mína parta, mjög góð mynd þar sem margt óvænt gerist og ekki síst endirinn sem ég fer ekki nánar útí hér.

Myndin var tilnefnd til 8 Oscars-verðlauna en hlaut 4 Oscars-verðlaun í nótt. Þeir bræður Ethan og Joel Coen þökkuðu fyrir verðlaun fyrir bestu leikstjórnina og bestu myndina á hátíðinni. Nýliðinn Javier Dardem hlaut verðlaun fyrir besta leik í aukahlutverki. Skora á kvikmyndaunnendur að missa ekki af No Country For Old Men.

Athugasemdir

[Ellert Guðmundsson (IP-tala skráð) 26.2.2008 kl. 16:11]

Sæll, þetta er ræma sem maður þarf að sjá ásamt There will be blood. En hins vegar er þessi titill asni skemmtilegur miðað við færsluna á undan þ.e. þú á skarfaveiðum fyrir norðan og svo No country for old men ................ en þú ert svo helv..... fit, að þetta passar alls ekki.

Kv Ellznegger

[Róbert Schmidt (IP-tala skráð) 26.2.2008 kl. 16:23]

Sæll Elli,

Já, þú segir nokkuð. "No Country For Old Cormorant Hunters" gæti myndin um mig kannski heitið en á meðan maður er við ágæta heilsu, þá falla þeir fyrir mér í bókstaflegri merkingu.

Kíktu inná nýju síðuna okkar fermingarsystkinana og skrifaðu comment þar. http//:ferming7879.blog.is

Ég sendi þér svo aðgangsorðin á meili.

Kv
Robbi