Hákon frá Hjallkárseyri í Arnarfirði var flottur kall. Sá um rollurnar sínar og stundaði refaveiðar í firðinum, fláði refina og gaf og seldi skinnin. Eitt sinn framseldi Hákon rófubein refs til hreppsins og vildi frá greitt fyrir skottið. "Já, en hvar er skottið?" spurði gjaldkerinn. Hákon svaraði því til að hann hefði flegið refinn og skottið væri fast við. Þess vegna afhenti hann rófubeinið því til sönnunar að hann hafði fellt refinn. Eitt sinn þegar ég var á siglingu með Karli Garðarssyni á Jörundi bjarnasyni BA um Arnarfjörð kíktum við í kaffi til Hákons. Með í ferðinni voru nokkrir Pólverjar og betlaði Hákon sígarettu frá einum en læknirinn hafði bannað honum að reykja. Myndina teiknaði ég í minningu hans en hann féll frá stuttu síðar.

Ljósmyndari: Teikning: Róbert Schmidt | Bætt í albúm: 8.2.2008